|
WAR SAXAAFADEED
Ururka Wacyigelinta Banaadirta Cusub (UWBC)
New Banadir Advocacy Group (NEBAG)
http://www.newbanaadir.com
April 02, 2006
Ujeedo: Qaabdhismeedka Maamulka Gobalaka Banadir
Waxaa cadeyn mudan in Guddoomiyaha Gobolka Banaadir ahna Duqa magaalada
Mugadisho Muddane Mohamud Hassan Cali Gaabow "Cadde", uu yahay
nin u
dhashay deegaanka, mudanna in uu hogaamiyo ummaddiisa, balse waxaa nala
qaldan in ay dib u soo doortaan dad deegaanka iyaguba marti ku ah oo
aan ka tarjumeyn rabitaanka beelaha deegaanka ku abtirsada.
Ururka Wacyigelinta Banaadirta Cusub kadib markii uu darsay wadada
loo
maray qaab dhismeedka Golaha Deegaanka Gobalka Banaadir, wuxuu go'aansaday
in golahaasi yahay wax aan sinnaba loo qaadan Karin, oo meel ka dhac
ku ah sharafka iyo maamuuska bulshoweynta deegaanka Banaadir.
UWBC wuxuu u arkaa in Golaha Deegaanka Gobalka Banaadir uu yahay xeelad
cusub oo lagu marin habaabinayo bulshada ku dhaqan Gobalka Banaadir,
si
looga duudsiyo aaya ka talinta deegaanadooda. Waxaa xusid mudan in
gobolka Banaadir yahay gobolka kaliya ee lagu qeybsaday 4.5 xubnaha
maamulkiisa, taas oo aan loo cuskan wax sharci ah.
Haddaba waxaa cadaan ah in dhismaha golahani uu huwanyahay siyaasad
dahsoon oo lagu fulinayo dano gaara, ujeedo aad u fogna laga leeyahay.
Abuurista golahani waa caqabad cusub oo ku soo korortay xaaladda gobalka
oo awelba horey u murugsaneyd.
UWBC Wuxuu ku talinayaa in laga waantoobo dibindaabyooyinka lagu haayo
gobolka, farahana ay kala baxaan dadka deegaanka martida ku ah.
Mahadsanidiin,
C/naasir M. Hussein
Guddoomiyaha Ururka Wacyigelinta Banaadirta Cusub
|
