|
Gudoomiyaha Gobolka Shabeelaha Dhexe Oo Maanta Dhagax
Dhigay Sameynta Kanaal Weyn Oo Laga Hirgalinayo Deegaanka Oobaale.
April 15th 2006 Gudoomiyaha Gobolka shabeelaha Dhexe Md: Maxamed Cumar
Xabeeb 'Maxamed Dheere ayaa Maanta Dhagaxii u Horeeyay Dhigay Dhismaha
Kanaal Cusub oo laga Jeexayo Tuulada Oobaale kaasoo u baxayo Dhanka
Bari ee deegaankaasi.
Kanaalkan oo la sheegay in dherekiisu la gaarsiinayo ilaa 20.Km ayaa
waxaa ka faa'iideysanayo Deegaano badan oo ka tirsan Gobolka shabeelaha
dhexe kuwaasi oo aanan waligood helin beero waraab ah marka aga reebo
xiliyada Roobka oo ay tacban jireen beerahooda.
sidoo kale kanaalkan ayaa waxaa ka faa'ideysanayo xoolaleyda Tuulooyin
dhow ah oo dhibaatooyin badan iyo masaafo fog u jirtay halka ay xoolahoodu
ka biyo siin jireen, deegaanada ilaa iyo haddaqorsahahoodu la sheegay
in la gaarsiinayo ayaa waxaa ka mid ah Tuulooyinka Cali Fooldheere,Caadley,
Quracle Ceel Jiifyare, Caday Dheere, Meera Caruud,Dacaar iyo kuwa kale
oo la sheegay in iyana la gaarsiinayo marka lagu guuleysto wajiga hore
ee kanaalkaasi
Gudoomiyaha Golaha Dhaqanka iyo Nabadgelyada Gobolka Shabeelaha Dhexe
Nabadoon cali Shiikh Yuusuf oo ka hadlay munaasabada Dhagax dhigaasi
ayaa sheegay in kanaalkan uu wax weyni ka tarayo faa'iidada Xoolaha
Nool iyo wax soo saarka Beeraha oo uu sheegay labaduba in aysan khiimo
laheyn hadii aanay helin Biyo ku filan.
sidoo kale waxaa isna halkaasi ka hadla wakiilka beeraha Md. Cusmaan
Xaaji Caqiil oo sheegay in kanaalkan uu Maamulka Gobolka hirgalinayo
in ay tahay talaabo ku dayasho mudan oo looga baahanyahay Beeraleyda
iyo Xoola Dhaqatadaba in ay iyaguna ku dhiiradaan sidii ay talaabo horay
ugu khaadi lahaayeen.
Gudoomiyaha Gobolka shabeelaha dhexe Md: Maxamed Cuimar Xabeeb "Maxamned
Dheere" oo gabagabadii munaasabadaasi hadal gaaban ka jeediyay
ayaa u mahadceliyay beesha Kaboole ee degan deegaanka Oobaale oo iyadu
Ogolaatay in kanaalkaasi laga jeexo deegaankeeda.
Mahadsanidiin
Ururka Wacyigelinta Banaadirta Cusub
Toronto, Canada
|
|
