LANTA AF SOOMAALIGA EE BBCda WAA KANSAR (KANSAR).
(Kansarka wuxuu ku fiican yahay in la gooyo).

Waxaan maqaal ka qoray Laanta af Somaaliga ee BBCda Sanadkii 2001 wuxuuna cinwaanka (title) ahaa Laanta Af Soomaaliga ee BBCda waa MOORYAAN oo waxay ka mid ahayd kuwa dagaalka xamar wax ka waday oo afka ayay ku dugaalamaaysay waxayna u adaygaysay dad gaar ah isla markaana waxay fulinaysay dano gaar ah. Maanta arrinta hoos ayay u soo dhacday oo Laanta Af Soomaaliga BBCda waxay u adaygaysaa oo hal qabiil berina waxaan sugnaa waa marka ay u adeegto hal jiblib.

Maantana Idaacada BBCda laanta Af Soomaaliga waa KANSAR ku dhex jira Ummadda Soomaaliyeed dhibaato xoog leh ku haaya. Kansarkana daawadiisa waxay tahay oo kaliya in la gooyo. Ldaacada Laanta Af Soomaliga ee BBCda waa Kansar fadhiya Londan, England, sida kaliya oo lagu goyn karana waxay tahay in Soomalida meel kasta ay degan tahay in ay 1- In la gooyo (boycott) dagaysigeeda. 2. Mudaaharaado la qaban qaabiyaan lid ku ah idaacada BBCda. 3- in loo qoro warqada (petition) madaxda BBCda.

Soomaaliya, dadka iyo dulkaba waxay ku soo jireen welina ku sii jiraan muddo lix iyo toban sano ah dhibaato aad u xun, qaxar, gaajo, is dil aan ujeedo lahayn iyo dowlad la=aan. Intii dhibaataas socotayna laanta Af Soomaaliga ee BBCda dab iyo bansiin ayay ka daba wadatay arrimaha Soomaaliya iyadoo waraysiyo ama faalooyin been abuur ah iyo iyadoo iska horkeenayso dagaal ooglayaasha ama qofkii ay isleeyihiin dhibaato ayuu samayn karaa.

Faalooyinka ama wareysiyada ay sameyso Idaacada BBCda ma aha kuwo dhexdhexaad ee kuwo dhinac u badan (bias) inkasto ay ku andacooto in idaacada ay tahay mid dhexdhexaad ah taasna waa wax lagu qoslo. Doorka ay idaacada ka ciyaartay dhibaatada Soomaaliya waa mid aad iyo aad looga xumaado lagana yaqyaqsoodo sababto ah sida ay wararka u sheegaan oo ah mid sababta in ay ku dhintaan dad ay u badan yihiin caruur, dumar iyo waayaal. Madama ay wariyayaasha iyo caruurtooda ay joogaan dul nabad ah dan ka malaha dadka Soomaaliyaa ee ku dhimanaayo dagaal ay oogayaan London, UK.

Taa waxaa ka sii daran in wariyayaasha ka shaqeeya laanta Af Soomaaliga ee BBCda ay ku andacoodaan iney dhexdhexaad ka yihiin arrimaha Soomaaliya taas waa mid aan raad iyo sal lahayn ama lagu qoslo sababto ah waxaad ku garaynaysaa in ay dhexdhexaad ka ahayn arrimaha Soomaaliya marka ay sameenayaan waraysi ama faalo ka bixinayaan arrimaha Soomaaliya.

Tan kale oo cadaynaysa in wariyayaasha ayna dhexdhexaad ahayn waxaa lagu garan karaa inta ay joogaan idaacada maahine inta kale ay ku dhex jiraan qabiiladooda ama reerahooda mid kastana wuxuu la yimaadaa idaacada waxaa isaga iyo dadka uu la nool yahay ay aaminsan yihiin taas oo lagu garan karo waraysiyaasha ay sameeyaan.

Waxaan kale ay wariyayaasha qaarkooda ay halmaameen in ay Soomaali yihiin sida lagu arkayba Waqooyiga Ameerika dad ayaa markii jinsiyado cusub ay qaateen halmaameen Soomaalinimadi sida wariyayaasha BBCda ay uga qayb qaateen burburka Soomaaliya. Wariyayaasha waxay kale helmaamsan yihiin in Soomaaliya ay ku dhasheen, ku koreen, wax ku barteen, welina reerahood ay jiraan. Waxaad arkayasa in wariyayaasha ay halmaan in bari xisaab ay jirto Ilaah (SWT) uu beri la xisaabtamidoona. Ilaah(swt) wuxuu quraankiisa kariimka ah ku yiri dhibaato laysugu gaysto afka uu ka xun tan laysugu gaysto xabada.

Ugu dambayntii, waxaa ku talin lahaa haddii Idaacada laanta af Soomaalida ee KANSARKA AH ayna wax ka bedelin sida ay akhbaarta u gudbinayso: koow, in qofkii danaynaayo arrimaha Soomaaliya ayna waraysi siin idaacada. Labo, in la abuuro idaacad kale oo la baratanto BBCda oo dhexdhexaadna ka ah arrimaha Soomaaliya ah sababto ah idaacada BBC waxay dadka haystaa manopoli (monopoly). Hadii idaaco kale la abuuro, waxaa hubaal in ay wax ka bedeli lahaayeen sidii ay wararka u tabiyaan wixii ay rabaana iskama sheegi karayn. Seddex, in la qaadhaco (boycott) oo aan la dhagaysan idaacada iyo in qoraalo loo qoro maamulka idaaca oo loona sheego wariyayaasha ayna dhexdhexaad ka ahayn arrimaha Soomaaliya ayna ku turjumaan arragtida ka jirta meesha ay ka yimideen iyo qabiilka ay ka soo jeedaan.

Wixii faafaahin la xiriir

Dr. Abukar Moallim

home - objectives - about us - history